चर्को पपसंगीत, सुन्दर किशोरीहरुको तामझामपूर्ण नृत्य, बियर र सेकुवाको स्वाद ।
दर्शकदीर्घामा छन केटाकेटीका अभिाभावक । जसले आफ्नो सम्भावित बुहारी र ज्वाईंतिर आँखा लगाइरहेका छन् ।
हामी चर्चा गरिरहेका छौ युरोपेली मुलुक बुल्गेरियाको जहाँ कुमारी केटी किन्ने मेला चलिरहेको छ । पहिलेपहिले गाउँमा
हुने मेला यसपटक नगरको बसपार्क छेउमा सारिएको छ ।
कालाइडझी जातीको उपजाति रोमामा सदियौंदेखि प्रचलित केटी किन्ने मेला अहिले पनि बर्षको दुईपटक आयोजना हुन्छ ।
जहाँ हजारौं जोडीले लगठन गाँठो कस्छन् ।
मेलामा केटाहरु केटीको खोजीमा जान्छन जहाँ उनीहरुलाई प्रभावित पार्न हाइ हिल, कस्सिएका कपडा र श्रृंगारसहित
सजिएका किशोरीहरु उपस्थीत हुन्छन् ।
उनीहरु केटी हेर्छन, मन पर्यो भने केटीका बाबुआमासँग कुरा गर्छन र मोलमोलाई सुरु गर्छन् । कम्तीमा ७ हजार डलरबाट
सुरु हुने मोलतोलमा दुवै पक्ष सहमत भए बिबाहको तयारी गरिन्छ ।
यहाँका केटाहरु गोरो छाला र निलो आँखा भएका केटीहरु मन पराउँछन । केटाहरुलाई प्रभावित पार्न उनीहरु कुनै कसर बाँकी
राख्दैनन् ।
यो जाती आफ्ना छोरी चेलीको सुरक्षाप्रति सर्तक छ भने उनीहरुमाथि शोषण नहोस भनेर १५ बर्षको उमेरमा स्कूलबाट झिकेर
केटा र केटीलाई बेग्लाबेग्लै राख्छन् । छोरीको कुमारित्व कायमै राख्न यस्तो गर्नुपरेको उनीहरुको तर्क छ ।
केटी किन्ने परम्पराप्रति यो जाति निकै गर्व गर्छ । उनीहरु यसलाई किनबेच भन्दा पनि बेहुली पक्षलाई बेहुला पक्षले दिएको
बिबाह खर्चको रुपमा ब्याख्या गर्न रुचाउँछन् ।
केही दिनअघि भएको पछिल्लो मेलामा करिव दुई हजार केटा ठाँटिएर केटी हेर्न मेला पुगेका थिए । कतिपय राम्रो जागिर भएका
केटाहरु कार लिएर पनि दुलही किन्न पुगेका थिए ।
१९ बषिर्य डंका भन्छिन- मैले राम्रो केटा खोजीरहेकी छु, यदि कुरा मिल्यो भने बुबाआमाले उसँग कुरा गर्नुहुन्छ ।’ नाच्दानाच्दै
रोकिएर उनले भनिन- हामी बिबाह गरेपछि उसका बाबुआमाले धेरै हस्तक्षेप नगरुन, धेरै धनी पनि नहोस, धेरै गरिव पनि नहोस,
तर जागिर चाहिँ होस् ।’
यो मेलामा किशोरीहरुमात्र हैन सम्बन्ध बिच्छेद भएका र बिधवाहरु पनि बरको खोजीमा आउँछन् । तर उनीहरुको रेट कुमारी
केटीको भन्दा झण्डै आधार अर्थात ४ हजार डलरमात्र हुन्छ ।
-एपी
- See more at: http://www.onlinekhabar.com/2014/04/186090/#sthash.DrJtldmu.UmqmRpSo.dpuf
